مطبخ التازية مطبخ التازية
حلويات

آخر الوصفات

حلويات
حلويات
جاري التحميل ...
حلويات

كيكة بخيزو و الشكلاط هشيييشة و رائعة على حسابي

السلام عليكم ورحمة الله تعالى وبركاته 

بالنسبة للمقادير غادي نحتاجو ل :

3 بيض بحرارة الغرفة او فشوية ديال الماء سخون _ كاس سنيدة _ كاس زيت _ كاس خيزو محكوك رقيق _كاس عامر مزيان طحين _ 2 معالق كبار كاوبيل او كاكاو مسوس _ 2 خميرات حمرين ووحدة فاني

للتزيين :

شكلاط طراف - 2 دانون شكلاط _ معلقة زبدة



اولا كنفصل البيض الاصفر بوحدو و الابيض كنديرو فاناء فاش كنخدم

كناخد ابيض البيض كنضيف ليه قبصة ملح و فاني

كنطربو مزيان حتى يرجع مورانغي و عاقد

من بعد غادي نبقى نضيف المكونات الاخرى شوية بشوية والي هي اصفر البيض و الزيت و سنيدة و خيزو

من بعد غربلت الطحين و كاوبيل و الخميرة و بديت كندير شوية بشوية و انا كنطرب

وهاهي واجدة وكيكون الخليط خفيف متخافوش منو بالعكس هاكدا غادي تجي الكيكة هشييييشة بزززاف

ونديروها فمول مدهون و مرشوش بالدقيق

وندخلوها لفران سخون لمدة 40 دقيقة و ملي توجد نطفيو عليها الفران خليوها فالفران باش تزيد تشد راسها و متفش ملي تخرج و هي اصلا غادي ينقص الحجم ديالها ان مفيهاش الطحين بزاف

ملي تبغيو تحيدوها من المول قلبوها مباشرة فطبق التقديم وعاد زينوها
انا هنا حتى بردات الكيكة عاد وجدت السيرو و الي هو 2 معالق كبار سنيدة و معلقة صغيرة نسكافي و كاس كبير ماء

درتو يغلي فوق العافية مزيان

ثم سقيت بيه الكيكة كلها

ثم ندوزو للتزين دوبت الشكلاط و الزبدة فمام مريم حتى دابو مزيان

ثم ضفت دانون الشكلاط

ثم كبيت الخليط على الكيك و خليتو ينزل عليها بالحق خليتها هكداك مكانش عندي الكركاع و زوقوها باش بغيتو

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

المتابعون

احصاءات المدونة

جميع الحقوق محفوظة

مطبخ التازية

2016

الويندوز للجميع