السلام عليكم و رحمة الله تعالى وبركاته
فالكوكوط كندير بصلة
مشلدة مع معدنوس و كرافص ثم كنضيف الابزار و سكين جبير شوية و الزعفران و
الملح نخلط كلشي حتى يغلي ثم كنضيف فول يابس مفزك من قبل انا كان عندي
فلفريكو كنخليه يغلي مزيان باش يتنفخ و ميلصقش فالطنجرة ملي نشد عليها
ثم خديت البلبولة المتوسطة هي الدشيشة ديال الشعير الموايان غسلتها مزيان
مزيان و صفيتها ثم ضفتها للطنجرة و خليتها تغلي شوية ثم كنضيف مطيشة
محكوكة ثم نخلطها و نشد الكوكوط و نخليها طيب مزيان و ممكن طيبوها غير
فطنجرة عادية مع المراقبة باش متلصقش و ملي توجد البلبولة كنضيف ليها
مطيشة الحك باش تاخد لون زوين من بعد كنزيد القسبور مقطع رقيق مع الملحة
هدا هو السر فلذة الشوربة هو القسبور فالتالي كيعطي لذة ممتازة جدا جدا
