غريبة العسل من مطبخ التازية

السلام عليكم ورحمة الله تعالى وبركاته

المقادير :
3بيضات _2 بياض البيض _2 كيسان عنبة سنيدة _ 2 كيسان عنبة زيت _2 خميرات الزا _ قشرة ليمونة حامضة _ 1 فاني _ 2 معالق عسل _ 750 غ طحين فورص ممتاز

 درت 3 بيضات و 2 بياض البيض زدت عليهوم 2 كيسان سنيدة فاني و طربتهوم شوية جتى تخلطومن بعد زدت 2 كيسان زيت ثم قشرة حامضة محكوكة ثم 2 معالق عسل و دائما مع التخلاط ثم بديت كنضيف الدقيق شوية بشوية مع التطراب ثم كنضيف 2 خميرات وهاهو الخليط وجد كتجي عجينة ما خفيفة ما قاصحة و كتلصق شوية خليوها ترتاح شوية ووجدة طبسيل الفران ويكون مدهون ثم كنوجدو صفار 2 بيضات الي بقاو مع زليفة الزيت و طبسيل مدهون و بداو كدهنو يديكوم بالزيت و ديرو كويرات انا كنت مزروبة شوية كبرت غريبة و لكن من الافضل صغرو شوية باش كتجي مزيونة من بعد كندهنها باصفر البيض درت شوية من العجينة على شكل صبيعات و دخلتهوم للفران عافية مجهدة شوية و ردو البال
و شعلت عليها من الفوق حتى تحمرات 

وبالصحة و الراحة