فقاص بالزبيب و اللوز من مطبخي

السلام عليكم ورحمة الله تعالى وبركاته 

المقادير
6 يبضات صغار ولا 5 كبار
زلافة السكر (زلافة عادية بحال ديال الحريرة)
زلافة زبدة و زيت(125غرام زبدة مدوبة و الباقي زيت)
2معالق كبار نافع بلدي مطحون
نفس الزلفة مخلطة لوز و زبيب و جنجلان ( اللوز و الزبيب كنرقدوهم قبل فالماء و نشفوهم و نقطعوهم)
قبصة ملح
1 خميرة حمراء و نص
1 فاني
بيضة مخلطة مع معلقة دبال نسكافي باش ندهنو الوجه

 كنضربو البيض مع السكر و قبصة الملح كنضيفو الزبدة و الزيت كنزيدو اللوز و الزبيب و الجنجلان و النافع و فاني
كنخلطو كنزيدو الدقيق مغربل مع الخميرو و نجمعو العجينة الا خص القيق نزيدو شوية على القياس كنحربلوهم بحال هكااو ندهنوهم بخليط البيض و النيسكافي و نشرطوهم بالطول بالفورشيطةكندخلوهم لفران ساخن عل درجة حرارة 180 يطيبو تقريبا شوية كتر من نص طياب هاهما مين خرجتوم

و كنغطيوه بسربيتة فازكة بماء زهرهما من الاحسن يباتو ليلة عاد يتقطعو انا مع الفران باقي سخون قطعتم ديك الساعةهاهو مقطع و مستف

و ندخلوهم يتحمرو مرة اخرى و نردو البال مزياان لا يتحرقو و بالصحة و الراحة