السلام عليكم ورحمة الله تعالى وبركاته
خديت باكية برانس دقيتها فالمهراز من الافضل يبقى مهرمش شوية كنزيد عليها 100 غ زبدة رطبة وكنخلط مزيان كنسرحو فالمول مزيان و نخليه فالثلاجة
من
بعد وجدت الفلان العادي درت 3 كيسان كبار حليب مع 2 صاشي ديال الفلان مع
السكر يغليو فق العافية وملي برد شوية درتو فالمولينكس وزدت عليه 10 قطع
بيسكوي انا درت ماريا او ممكن ديرو باكية هرنيس و 2 صاشي نسكافي مدوب
فشوية الما خاصنا نزيدو 200 مليلتر كريمة مطربة مكانت عندي و كان عندي هاد الكريمة مطربة واجدة فا زدتها على خليط الفلان الي فالمولينكس و كنطحن مزيان مزيان حتى يرجع الخليط سائل وكنضيفو على البطقة الاولى الي فالثلاجة و نخليوها تبرد مزيان وملي وجدات زوقتها بالشكلاط غبرة
