كيك رولي بكريمة القهوة

السلام عليكم ورحمة الله وبركاته

مقادير الجينواز :

-100 غرام دقيق
-100 غرام سكر
- 3 بيض
خميرة حمرة

كنطرب البيض و السكر مزيان حتى يدير الرغوة ثم كنضيف الدقيق و الخميرة مع التطراب و كندير الخليط فمول مغلف بورق الاليمنيوم و مدهون بالزبدة و الطحين و ندخلها لفران سخون لمدة 10 دقائق فقط بلا متحمر ثم ملي كنخرجها كنلفها فمنديل فازك ومعصر و نخليها تبرد


ودابة ندوزو للكريمة

كأس ماء -2معالق سكر - 2معالق مايزينة -2 معالق نسكافي -2 معالق كاوبيل - 2 معالق زبدة

و باش الكريمة مديرليش كويرات درت الما الكاصرولة و طلقت مايزينة مزيان ثم ضفت نسكافي و كاوبيل و السكر عاد ضفت الزبدة و رديتها فوق العافية حتى عقادت


كندهن الكيك و كنلفها ثم كندهنها كلها و نخليها تبرد و زينتها بفيرميسال الشكلاط

جربوها على حسابي فعلا رائعة