السلام عليكم ورحمة الله تعالى وبركاته
انا كنعجبن بطحين الزرع الي فيه النخالة كثييرة و كنزيد معاه طحين زرع بلا نخالة وممكن ضيفو شوية الفورص وشوية السكر سنيدة كنخلط الطحين وفالوسط كندير الخميرة المعجونة او ممكن تستعملو الخميرة الجافة كنضيف الما دافي و نخلي الخميرة دوب شوية و من بعد كنخلطها مزيان و من بعد كنضيف الما شوية بشوية حتى كنحصل على عجينة شوية تقيلة فحال هاكدا باش كندلكها شوية بيدي تقريبا كندلكها شي 5 دقائق من بعد كندير شوية الملحة وندوبها بالما و نطلق العجينة فوق منها باش تتشرب الملحة و نعاود ندلكها و انا جامعة يدي
ونبقى كنرشها مرة مرة و انا كندلها غير بالشوية حتى كتولي عجينة رطبة و مطلوقة وهاهي العجينة وجدات كنخليها ترتاح 10 دقائق من بعد كندير شوية الما باش نبدى نقطع كويرات كنفزك يدي و كنقطع طراف فحال يلا كنقطع القراشل كناخد الكويرة ونحالو نكورها بيدي ونجمعها و نقلبها
هاهوما مكورين كنخليهوم يرتاحومن بعد كناخد كل كورة و نمسلها بيدي و نردها للمنديل
هاهوما الكويرات مطلوقيت ونخليهوم يخمروهاهوما واجدين و خامرين كنقلب كل وحدة فالطراح و كنتقب بالفورشيطةونديرهوم يطيبو الفوق و نرجعهوم لتحت يتحمرووهاهوما واجدين
