كيكة بلا فران فرديين فآلة الماضلين

السلام عليكم ورحمة الله تعالى وبركاته

 المقادير : 4 بيضات +كاس سنيدة +ملح +كاس زيت + كاس حليب +فاني + خميرة حمراء +3 كيسان دقيق اقل او اكثر على حسب الطحين كندير البيض و الملح و فاني ونطرب مزيان مزيان كنزيد سنيدة الزيت مع التطراب ثمالحليب ثم الدقيق كنغربلو و كنخلط كاس بكاس و فالاخير الخميرة

 من بعد كنقص شوية و كندير صاشي ديال الشكلاط غبرة وكنسخن الالة حتى تشعل اخضرو كنكب مقدار معلقة كبيرة عامرة المهم عند الحد ديالها متفوتوش اكثروكندير شوية من خليط الشكلاط من فوق الابيض و الباقي خليتو شكلاط وكنسد عليها طيب تقريبا 2 دقايق و نفتح نشوف واش طابت كندير راس الموس باش يلا كانت باقية شوية خضرة زيديها شي دقيقة حتى تتحمر
وكنحطهوم فوق كلينكس وضروري تغطيوها باش متيبش وانا كنديرها فبلاستيكة ملي كنسالي باش ترطاب و من بعد كتبقى هشيشة وغزالة وهاهي ملي كملتها هاد الخليط كيعطي تقريبا 29 حبة وممكن تزوقوها باش بغيتو وممكن تقسموها و تعمروها بالشكلاط نوتيلا او كريم باتيسيير عاقدة مزيان