الرغايف البصلة ديال المحلبات

السلام عليكم ورحمة الله تعالى وبركاته

بالنسبة للحشو كنحتاجو بصلة مشحرة شوية غير تدبال شوية ماشي طيب بزاف باش كتجي باينة و كنديروها فزلافة و كنزيدو عليها شوية من اكريش و الي هو طريفات اللحم الي كيبقاو من الخليع ثم كتزيدو الفلفلة حمرة شوية زايدة و كامون و شوية السودانية و المعدنوس مقطع و الملح متكتروش على حساب اكريش و الي معندوش اجريش ممكن يستعمل شحمة الكلاوي و يدقها او يطحنها و يزيدها
ومن بعد خلطو الخليط مزيان و هاهو واجد

 من بعد كتوجدو عجينة المسمن العادية و مدلوكة مزيان كديروها كويرات من كطلقوهاثم كدير شوية من الحشوة و تجمعي بطريقة الرغايف
حتى كتساليو الكويرات كلهوم من بعد كتبداو من الرغيفة الاول و تسرحوهوم شوية وطيبوهوم ومرة مرة رشوهوم بشوية الزيت باش يتحمرو

كيجيو روعةةةةة