السلام عليكم ورحمة الله تعالى وبركاته
خديت
الدجاج وقطعتو على 4 ودرتو فطنجرة مع شوية الزيت رومية وبلدية وزدت
العطرية انصف معلقة من الابزار وسكين جبير والخرقوم وشويييية زعفران وملح
وشوية سمن من بعد زدت بصلة كبييرة مقطعة شنانف كبار و مطيشة وحدة مقطعة من بعد ما تشحر كلشي ضفت الما الكافي و زدت ربيطة القسبور و معدنوس وسديت عليه يطيب
وهاهو الدجاج وجد
وهاهو الدجاج وجد
من بعد خديت التريد انا جبتو غير من المحال ديالنا وقطعتو طريفات صغارملي قرب الغدا ب 10 دقائق بخرت التريد باش يرطاب ويبقى سخون وهنا سقيت التريد وستفت الدجاج وزوقت بالبيض بلدي
