السلام عليكم ورحمة الله تعالى وبركاته
فالقصعة كندير الدقيق الحرش الفينو و الفورص و فالوسط درت الخميرة و شوية ديال سنيدة و فزتكتها بالما شوية و كنجمعها بماء دافي و نبدى ندلكها غير بالشوية بلا منسخف راسي و نبدى نرشها بالما مع الدليك
و الملحة كنخليها مع الرشة التالية و لكن كنرش حتى ل 6 ديال الرشات حتى كتبدى العجينة تخفاف و تفلت من يدي هاهي العجينة خفيفة و هاهي ملي وجدات كيف كتشوفو خفيفة بزاف و الي مقدراتش تخففها هاد الشي كلو تقلل الرشات غي المهم تحاولو ما امكن تخففها
من بعد درت 2 كورات و جمعتها بالسميدة الرقيقة ديال الحرشة و
كنجيب طبسيل شوية غارق كندير فيه المنديل و كنرشو بالسميدة و كندير فيه
الكورة باش تخمر هاكدا ملي توجد غير غادي نقلبها مباشرة فالمقلة بلا منهزها
هدا علاش كنجري العجينة بزاف كنخليها
تخمر ثم نديرها فمقلة سخونة شوية و نمسلها ثم كناخد الزبيب نقي و نبقى
ندير الزبيبة و نبرك عليها مزيان تدخل فالعجينة حتى كنغطي الخبز كلها ثم كنلقبها ملي تتحم روهاهي وجدات
