سلو من مطبخي بالصور المفصلة

السلام عليكم ورحمة الله تعالى وركاته 

هنا عندي كيلو طحين محمر و مغربل زدت عليه نصف كيلو جنجلان محمر و مطحون وزدت عليه نصف كيلو لوز محمر و مهرمش و معلقة كبيرة قرفة و معلقة كبيرة نافع بلدي شوية المسكة الحرة مدقوقة مع شوية الطحين زلافة سكر كلاصي وهادة المقادير الناشفة وهنا خلطتها مزيييانب النسبة للزيت درت لتر الا ربع و الزبدة درت رابعة وكنخليوهم يغليو مزيان وكنضيف معلقة طحين ابيض ملي كيتحمر كنعرف بالي الزيت واجد للسلو و ردو بالكم من الرغوة

كنضيف 3 معالق كبار عسل
وكنبقى نضيف الزيت و الزبدة شوية بشوية و انا كنعرك الطحين مزيان باش يتشرب وكنغطيه ببلاستيكة و نخليه يبات ليلة كلها باش نشوف واش هوهداك واش مخاصوش يزيد الزيت وهاهو واجد وطالق الزيت معناه هو هداك