كريب معمر بالكفتة و الشعرية الصينية روعة

السلام عليكم ورحمة الله تعالى وبركاته

غادي نحتاجو للكريب كل وحدة و طريقتها انا كندير : نصف لتر حليب - 3 بيضات -نصف كاس زبدة وزيت -ملحة-ابزار-و12 معلقة دقيق مغربل او زلافة دقيق و نصف معلقة خميرة الحلوى كنطربكلشي فالمولينكس و نخليه يرتاح 10 دقائق و نطيب

 كنديرو يطيب شوية على ما تنشف العجينة وكنقلبها تتحمر شوية 

بالنسبة للحشو ساهل و سريع فمقلة كندير الزبدة تقريبا 2 معالق كبار مع معلقة زيت و كنشحر 250غ كفتة و نفرتتها مزيان مع ملحة و ابزار

 ثم كنضيف فيرميسال صغيرة مصلوقة و مقطعة و نخلط مزيان حتى تتشرب السائل كله

 كنسرح الكريب و نعمرو بالحشوة و نشكلو على شكل ظرف او مربع

 و كندير فوق منو فروماج احمر و ندخلو غير يدوب شوية الفروماج متسخنوهش بزاف باش الكريب ميبش