السلام عليكم ورحمة الله تعالى وبركاته
كندير بصلة و شوية التومة مقطعين مع زيت بلدية يتشحرو مزيان حتى يدبالو وعاد كنضيف ملح و ابزارثم ضفت 250 غ كفتة و معكتها مزيان حتى كتفتت كترجع الكفتة فحال هاكدا وكنزيد القسبور و معدنوس و ممكن تزيدة ورقة سيدنا موسى كيديروها فالمطاعم بزاف من بعد ما كتشحر كنضيف علبة صوص طوماط صوليص هادي احسن من مطيشة الحك مدوبة وكنخلي الكل يغلي و كنزيد نصف كاس ما وهاهي الصوص وكنزيد شوية الزعتر وكنخليها تغلي مدة 15 دقيقة على المهل وهاهي وجدات وفالاخير كنضيف المعجنات مصلوقين وهاهو الطبق عن قرب بالصحة و الراحة
