السلام عليكم ورحمة الله تعالى وبركاته
هاد الحلوة كتجي خفيفة و لذيذة و ممن تغيري الاذواق كيف تحبي كل مرة ديري حاجة جديدة و كتنفع للضياف
المقادير :
_ علب بيسكوي هنريس او اي بيسكوي مربع كتحبوه القياس الي يكفي المول المربع الي بغيتو
_و الفلان درت نكهة النوازيت و الفاني
_ معلقة مايزينة مع كل فلان باش كيجي عاقد مزيان
_قهوة او نسكافي فالما سخون شوية
الطريقة :
كنفزك البيسكوي فالقهوة و كنستف 2 طبقات من بعد وجدت فلان بمداق النوازيت والشكلاط كنخلطو مع معلقة مايزينة و نضيف الحليب شوية بشوية مع التحريك باش ميتكورش الفلان و نكمل الحليب و نطيبو حتى يغلي و نصبو فوق البيسكوي غير بالشوية باش البيسكوي ميطلعش فالفلان و نخلي الفلان يبرد مزيان ثم كنعاود ندير طبقى وحدة بيسكوي ثم نوجد فلان الفاني مع معلقة مايزينة بنفس الطريقة و ملي يطيب نصبو فوق البيسكوي اي الطبقة الثانية و ندخلها للثلاجة تبرد مزييييان و هاهي واجدة ممكن تزوقوها باش حبيتو انا هنا دوبت بيمو مارس و زوقت بيه
و المذاق كيجي هائل و كذلك المنظر نتمنى تجربوها
