-->
مطبخ التازية مطبخ التازية
حلويات

آخر الوصفات

حلويات
حلويات
جاري التحميل ...
حلويات

البقلاوة باللوز رووووووعة من مطبخي‎.

السلام عليكم ورحمة الله 

اليوم غادي نشارك معاكم البقلاوة بالتفصيل و الصور موضحة كل الخطوات و لكم الاختيار فنوع الحشو اما بيسطاش او جرجاع او لوز او بيكان اي حاجة بغيتو 

_انا هنا درت نصف كيلو لوز منقي و مقلي فالزيت بعد مابرد دوزتو فطحانة مطيشة باش كجي متساوي ضفت عليه نصف معلقة صغيرة قرفة و رشة ملح و 2 معالق كبار سكر صقيل و ممكن بلاش لانو غادي نسقيوها بالعسل او السيرو حسب الرغبة ومعلقة صغيرة ماء الزهر و وخلطت مزيييان و خليتو على جنب 

_كندوب 200 غ زبدة جيدة انا استعملت بدوية و استعملت ورقة الفيلو او الجلاش خديتها من اسيما ب 19 درهم 

_يلا كنتو باغيين الحشوة باينة اكثر فا المول يكون صغير و العكس كذلك انا استعملت هاد المول جات هي هاديك 

_بالنسبة لورق الفيلو خاص تتعاملو معاه بكل حذر لانها دغيا كتقطع 

_ كناخد المول كندهنو بالزبدة و كناخد قياس الفيلو على حجم المول و نقطع بسكييين حاد جدا كيساعد و كنحط كل ورقة الفيلو بشوية و ندهنها بالزبدة مزيان و نعاود نحط ورقة اخرة حتى درت 8 ورقات و من بعد حطيت الحشو و سرحتو بالشوية و رجعت ندير طبقات الفيلو كذلك 8 و يلا تقطعات ليكوم الورقة ماشي مشكيل خليوها فالوسط غير الورقة الاخيرة تكون صحيحة باش تجي فالمنظر مزيان و اكييييد دهنو مزيييان بالزبدة و فالاخير كنقطع الشكل الي حبيتو و دخلوها لفران مسخن من قبل على درجة حراة متوسطة 180 درجة حتى تتحمر مزيان كيف الصورة 

_انا هنا سقيتها غير بالعسل الممتاز يكون دافى غيير شوية لاني البقلاوة كتكون سخونة يعني مباشرة من الفران نسقيوها حتى نحسو بيها تشربات مزيان و نخليوها تبرد و زوقوها باش حبيتو انا هنا زوقتها بلبيسطاش 

واي سؤال الف الف مرحبا



التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

المتابعون

احصاءات المدونة

جميع الحقوق محفوظة

مطبخ التازية

2016

الويندوز للجميع