السلام عليكم ورحمة الله تعالى وبركاته
وصفة رائعة ولذيذة جربوها على حسابي
الطريقة:
فمقلة شوية زيت بلدية كنضيف بصلة مشلذة طويلة ملي تشحر شوية كنضيف لاداند بروشيط مشرمل من قبل بالعطرية و الربيع و موطارد وكنشحرو مزيان من بعد مايتشحر لاداند كنضيف مطيشة مقطعة عالطول وكنضيف معلقة كبيرة مطيشة الحك مدوبة فالما و نخلي الخليط يغلي شوية من بعد كنضيف الشعرية الصينية مفزكة من قبل و مقطعة القياس الي بغيتي وكنخلط الخليط مزيان وفالاخير كنضيف الصوجا الثقيلة و القسبور و نخلط و نصبها مباشرة وبالصحة و الراحة
