السلام عليكم ورحمة الله تعالى وبركاته
هاد الفقاص كيجي رائع ولذيذ جربتو من كتاب رشيدة امهاوش
المقادير :
-300 غرام زبدة بحرارة الغرفة
-300 غرام سكر صقيل
-800 غرام دقيق مغربل
-200 غرام لوز مقطع رقيق
-200 غرام زبيب مقطع رقيق
-4 بيضات
-1 خميرة الحلوى
الطريقة :
فاناء كبير كنديرو الزبدة و السكر و البيض و نخلطهوم مزيان
ثم كنضيف الدقيق شوية بشوية عاد كنضيف الخميرة وندلك العجينة شوية
ثم كنضيف اللوز و الزبيب
من بعد كنخلطو كلشي كتكون العجينة كتلصق هنا دهنت يدي بالزيت باش منزيدش الدقيق و نوحل
ثم كنديرو حرابل صغار و رقاق و ندخلهوم للفريكو ساعة باش يساعدنا فالتقطاع
من بعد ساعة كنخرج وحدة بوحدة وكنقطعو ونستفو فطبسيل مدهون بالزيت و نصيحة من الافضل باعدو بين الحبات لانه كيتنفخ و كيوساع فالطياب
ندخلوه للفران حتى يتحمر
