السلام عليكم ورحمة الله
من اعز الوصفات عندي رائعة و خفيفة وممتازة بكل الفصول
المقادير :
العجينة
:
250 غ دقيق ممتاز -125 غ زبدة باردة مقطعة طريفات -معلقة كبيرة سكر
وفاني و بيضة و معلقة كبيرة ماء بارد فحالة يلا العجينة متجمعاتش
اول
حاجة بسبسي الدقيق مع الزبدة حتى ترمل العجينة و من بعد ضيفي السكر و فاني
و عاد البيضة تكون مطربة من قبل و خلطي و متعجنيهاش بزاف و يلا تجمعات
العجينة صافي اما يلا بقات كتفرتت زيدي معلقة الما بارد و جمعيها و دخليها
للثلاجة نصف ساعة
الكريمة :
.انا كل مرة و شنو كندير ملي كتكون عندي باتيسير غبرة كنستعملها و يلا مكانتش عندي كندير 2 صفار البيض مع 4 معالق سنيدة و معلقة كبيرة مايزينة او دقيق و 2 صاشي فاني و نصف لتر حليب كنخلط اصفر البيض و السكر و مايزينة و كندير الحليب يغلي وملي يغلي كنضيف شوية على خليط البيض و نخلط بسرعة و كنرجع خليط البيض على الحليب الباقي و نرجعو على العافية حتى تعقد و هاهي واجدة
الطريقة :
بعد ما توجد العجينة والكريمة كناخد التفاح و نقطعو شرائح رقيقة كنطلق العجينة بالمول وندير ثقب بالفورشيط كنعمرها بالكريمة و نستف التفاح بالطريقة الي تحبي و اخر حاجة كندير طريفات الزبدة على التفاح و معلقة كبيرة السكر كلاصي كنغربلها على الوجه وندخلها طيب حتى تبان العجينة تحمرات وملي تبرد كندهنها بالكونفيتور او الناباج باش تجي كتلمع وزوقتها باللوزايفيلي و بالصحة و الراحة
